Attachments
Sumáriu Ezekutivu
Workshop introdusaun kona-ba Preparasaun Lojístika Umanitária ne’ebé hala’o iha Dili, Timor-Leste iha loron 14-15 fulan-novembru tinan 2024 sai nu’udar pasu fundamentál ida ba hakbiit kapasidade lojístika nasionál nian hodi hatán ba emerjénsia. Organiza hosi Autoridade Protesaun Sivíl (CPA) liu-husi kolaborasaun ho Programa Ai-han Mundiál (WFP), workshop ida-ne’e introdús objetivu sira Logistics Cluster’s Field Based Preparedness Project (FBPP) nian iha Timor-Leste hodi avalia nível preparasaun lojístika umanitária atuál, identifika lakuna sira, no fomenta esforsu koordenadu ba resposta umanitária ho efetivu. Durante workshop loron rua ne’e, partisipante sira envolve iha série aprezentasaun, diskusaun tékniku, no sesaun sira traballu grupu nian ne'ebé foka ba polítika no kuadru operasionál, protokolu emerjénsia nasionál, prioridade sira lojístika umanitária nian, no mapeamentu nesesidades kapasidade parte-interesada sira nian. Pontu prinsipál sira inklui diskursu abertura hosi ofisiál superiór sira governu nian no lideransa WFP nian ne'ebé enfatiza lideransa no kompromisu forte ba sistema resposta lojístika ida ne'ebé reziliente. Partisipante sira mós espresa nesesidade atu aumenta investimentu iha preparasaun lojístika no kolaborasaun entre ajénsia sira. Durante workshop ne’e, partisipante sira halo análize SWOT no avaliasaun prontidaun ne'ebé kulmina iha reflesaun nesesidade kapasidade setoriál no estratéjia engajamentu parte-interesada sira-nian. Atividade hirak-ne'e fasilita kompriensaun abranjente ida kona-ba forsa no vulnerabilidade sira ne'ebé eziste iha panorama lojístika umanitária Timor-Leste nian no reafirma nesesidade ba asaun urjente. Workshop ne'e konklui ho kompromisu hosi Governu atu estabelese grupu traballu tékniku ida hodi avansa pasu sira tuirmai ba implementasaun planu dezenvolvimentu kapasidade lojístika nasionál, aumenta koordenasaun multisetoriál, no estabelese prosedimentu operasionál sira ne'ebé klaru-liu ba lojístika emerjénsia. Esforsu kolaborativu ida-ne'e determina marku signifikativu ida hodi estabelese sistema lojístika umanitária ida ne'ebé reziliente, preparadu no koordenadu iha país ne’e.